पिंपरी-चिंचवड : पुणे जिल्हाधिकाऱ्यांनी जिल्ह्यातील एलपीजी (LPG) गॅसचा तुटवडा दूर करून प्रलंबित बुकिंगचा निपटारा करण्यासाठी दिलेला ९६ तासांचा अल्टिमेटम संपुष्टात आला आहे. मात्र, पिंपरी-चिंचवड शहरात परिस्थिती अद्याप ‘जैसे थे’च असून, हक्काच्या गॅस सिलेंडरसाठी नागरिकांना एजन्सीच्या दारात वारंवार चकरा माराव्या लागत आहेत. प्रशासनाचा आदेश केवळ कागदावरच राहिल्याची भावना व्यक्त होत असून, सर्वसामान्यांमध्ये तीव्र संताप उसळला (Gas Supply Issue)आहे.
तुटवडा कायमच; बॅकलॉग प्रलंबितच
गेल्या काही दिवसांपासून पुणे जिल्ह्यासह पिंपरी-चिंचवड परिसरात घरगुती गॅस सिलेंडर्सचा मोठा तुटवडा जाणवत आहे. हजारो ग्राहकांचे बुकिंग प्रलंबित असल्याने जिल्हाधिकाऱ्यांनी गॅस कंपन्या आणि वितरकांना ९६ तासांत सर्व बॅकलॉग भरून काढण्याचे आदेश दिले होते. मात्र, ही मुदत उलटूनही प्रत्यक्षात पुरवठा सुरळीत झालेला दिसत (Gas Supply Issue) नाही.
नागरिकांची परवड; संयमाचा अंत
पिंपरी, चिंचवड, भोसरी आणि सांगवी या दाट लोकवस्तीच्या भागात परिस्थिती अधिक गंभीर आहे. अनेक नागरिकांनी १५ ते २० दिवसांपूर्वी बुकिंग करूनही अद्याप सिलेंडर मिळालेला नाही. गॅस एजन्सीकडे चौकशी केल्यास “पुरवठा कमी आहे” किंवा “गाडी आलेली नाही” अशीच उत्तरे दिली जात असल्याने नागरिकांचा संताप वाढत आहे.
विशेषतः गृहिणींचे स्वयंपाकघरातील नियोजन पूर्णपणे विस्कळीत झाले असून, काहींना नाईलाजाने हॉटेलिंग किंवा पर्यायी साधनांचा वापर करावा लागत (Gas Supply Issue)आहे.
वितरकांची बाजूही अडचणीत
काही गॅस वितरकांनी नाव न छापण्याच्या अटीवर सांगितले की, “कंपन्यांकडूनच सिलेंडर्सचा पुरवठा विस्कळीत झाला आहे. जिल्हाधिकाऱ्यांचा आदेश असला तरी, मुख्य प्लांटमधून पुरेसा साठा मिळत नाही, तोपर्यंत ग्राहकांना सिलेंडर देणे शक्य(Gas Supply Issue) नाही.”
प्रशासनाच्या भूमिकेवर प्रश्नचिन्ह
जिल्हा प्रशासनाने आदेश जारी केले असले तरी, त्याची प्रभावी अंमलबजावणी करण्यात अपयश आल्याचे चित्र दिसत आहे. ९६ तासांची मुदत संपूनही टंचाई कायम असल्याने प्रशासनाच्या कार्यक्षमतेवर प्रश्नचिन्ह निर्माण झाले(Gas Supply Issue) आहे.
दरम्यान, वाढत्या गैरसोयीमुळे ग्राहक संघटना आक्रमक भूमिका घेण्याच्या तयारीत असून, येत्या काही दिवसांत आंदोलनाची शक्यता व्यक्त केली जात (Gas Supply Issue)आहे.
