पिंपरी-चिंचवड | प्रतिनिधी:पिंपरी चिंचवड महापालिकेच्या राजकारणात महत्त्वाची घडामोड घडली असून महापालिकेत राष्ट्रवादी गटाच्या नेतेपदी ज्येष्ठ नगरसेवक भाऊसाहेब भोईर यांची नियुक्ती करण्यात आली आहे. त्यांची जेष्ठता आणि अभ्यासूवृत्ती पाहता विरोधी नेता म्हणून त्यांचीच निवड होण्याची शक्यता अधिक आहे. त्यांच्या नियुक्तीमुळे महापालिकेतील विरोधी पक्ष अधिक आक्रमक आणि प्रभावी भूमिका घेणार असल्याचे संकेत मिळत (Bhausaheb Bhoir) आहेत.
भाऊसाहेब भोईर हे जेष्ठ नगरसेवक म्हणून परिचित असून, महापालिकेतील प्रशासन, विकासकामे आणि लोकहिताच्या प्रश्नांवर स्पष्ट व ठाम भूमिका मांडणारे नेतृत्व म्हणून त्यांची ओळख आहे. अनुभव, संयम आणि अभ्यासपूर्ण मांडणी ही त्यांची बलस्थाने मानली (Bhausaheb Bhoir) जातात.
राजकारणाबरोबरच सांस्कृतिक क्षेत्रातही भाऊसाहेब भोईर यांचा मोठा ठसा आहे. ते अखिल भारतीय नाट्य परिषदचे अध्यक्ष असून, मराठी रंगभूमी, कलाकारांचे प्रश्न आणि सांस्कृतिक चळवळींना त्यांनी नेहमीच सक्रिय पाठबळ दिले आहे. त्यामुळे राजकारण आणि संस्कृती यांचा समतोल साधणारे नेतृत्व म्हणून त्यांच्याकडे पाहिले(Bhausaheb Bhoir) जाते.
राजकीय प्रवासाबाबत सांगायचे झाल्यास, प्रारंभी ते दिवंगत नेते रामकृष्ण मोरे यांचे अनुयायी होते. त्यानंतर त्यांनी राष्ट्रवादी काँग्रेस पक्षात प्रवेश केला आणि पक्षाच्या संघटनात्मक बांधणीत तसेच स्थानिक राजकारणात महत्त्वाची भूमिका (Bhausaheb Bhoir)बजावली.
विरोधी पक्षनेतेपदी नियुक्तीनंतर प्रतिक्रिया व्यक्त करताना भाऊसाहेब भोईर यांनी, “महापालिकेतील जनतेच्या प्रश्नांसाठी आवाज उठवणे, चुकीच्या निर्णयांना ठामपणे विरोध करणे आणि विकासकामांमध्ये सकारात्मक सहकार्य करणे हीच माझी भूमिका राहील,” असे स्पष्ट (Bhausaheb Bhoir)केले.
त्यांच्या नियुक्तीमुळे पिंपरी चिंचवड महापालिकेतील राजकीय घडामोडींना नवी दिशा मिळणार असून, आगामी काळात महापालिकेच्या कामकाजावर याचा प्रभावी परिणाम दिसून येण्याची शक्यता(Bhausaheb Bhoir) आहे.
