प्रतिनिधी:चिंचवड विधानसभा मतदारसंघातील पिंपळे गुरव येथील कल्पतरू सोसायटी परिसरात अंडरपास आणि काळेवाडी एम. के. चौक येथे ग्रेड सेपरेटर उभारणे अत्यंत गरजेचे आहे, असे आमदार शंकर जगताप यांनी सांगितले. या दोन्ही प्रकल्पांसह परिसरातील वाहतूक सुधारणा, रस्ते आराखडे, भूसंपादन आणि सुरू असलेल्या कामांबाबतची समीक्षा करण्यासाठी शुक्रवारी (दि. 28) महापालिका आयुक्त श्रावण हर्डीकर यांच्यासोबत बैठक घेण्यात (Chinchwad Traffic Updates)आली.
आमदार जगताप यांनी प्रशासनाला निर्देश देताना सांगितले की, या भागातील उड्डाणपूल, अंडरपास आणि ग्रेड सेपरेटर ही कामे प्राधान्याने पूर्ण केली पाहिजेत. तसेच मिसिंग लिंक जोडून नागरिकांसाठी पर्यायी रस्त्यांची व्यवस्था (Chinchwad Traffic Updates)करावी.
बैठकीत पवना नदी सुधार प्रकल्प, विविध उड्डाणपूल, अंडरपास, तसेच निधी उपलब्धता यांसंबंधीही चर्चा झाली. वाढत्या नागरीकरणाच्या पार्श्वभूमीवर उद्याने, रस्ते, विरंगुळा केंद्रे आणि नागरी सुविधा केंद्र विकसित करण्याची गरज आहे, असेही त्यांनी (Chinchwad Traffic Updates)नमूद केले.
पिंपरी-चिंचवड महापालिकेच्या मुख्य प्रशासकीय इमारतीतील आयुक्त दालनात झालेल्या या बैठकीत आमदार जगताप यांनी वाहतूक कोंडी, पिंपळे सौदागर पीके चौक उड्डाणपूल, स्वराज्य चौक, काळेवाडी एम. के. चौक येथील ग्रेड सेपरेटर आणि रस्ता रुंदीकरणाविषयी प्रशासनाला सूचना (Chinchwad Traffic Updates)दिल्या.
आमदार जगताप म्हणाले की, चिंचवड मतदारसंघातील वाहतूक कोंडी दूर करण्यासाठी पिंपळे गुरव, पिंपळे सौदागर, काळेवाडी आणि रहाटणी या भागात उड्डाणपूल, ग्रेड सेपरेटर आणि अंडरपास उभारून सक्षम पर्याय उपलब्ध केले जात आहेत. मिसिंग लिंकचे कामही सुरू असून अनेक रस्त्यांची कामे अंतिम टप्प्यात (Chinchwad Traffic Updates) आहेत.
महत्त्वाची रस्तेकामे:
• संत गार्डन सोसायटी ते काळेवाडी पुलापर्यंतचा 18 मीटर रस्ता – 90% काम पूर्ण
• मोरया स्टेडियमकडून काळेवाडी पुलाकडे जाणारा 100 मीटर रस्ता – अंतिम टप्प्यात
• मोरया गोसावी क्रीडांगण ते काकडे टाऊनशिप – 12 मीटर रस्ता, अंतिम टप्प्यात
• बटरफ्लाय ब्रिज ते केशवनगर मुख्य रस्ता – 18 मीटर रस्ता
• वाकड सर्वे नं. 116 उत्कर्ष चौथा – अंतिम टप्प्यात
• वाकड टीप टॉप हॉटेलमागील गोल्ड फिंगर सोसायटी लिंक – तयार झाल्यावर वाहतूक कोंडी मोठ्या प्रमाणात कमी (Chinchwad Traffic Updates)होणार
उद्यान, रस्ते आणि विरंगुळा केंद्रे विकसित करण्याच्या सूचनाही आमदारांनी दिल्या. किवळे, मामुर्डी, रावेत या भागात वेगाने वाढणाऱ्या रहिवासी वसाहतींना पुरेशा नागरी सुविधांची गरज असल्याचे त्यांनी (Chinchwad Traffic Updates)सांगितले.
पवना नदी सुधार प्रकल्पाबाबत आमदार जगताप म्हणाले की, पवना नदी ही शहराची आरोग्यवाहिनी असून तिचे संरक्षण महत्त्वाचे आहे. त्यामुळे प्रकल्पाला गती देण्यासाठी राज्य व केंद्र शासनाकडे निधीसाठी पाठपुरावा केला (Chinchwad Traffic Updates) जाईल.
शेवटी त्यांनी प्रशासनाला निर्देश दिले की, पिंपळे गुरव आणि पिंपळे सौदागर परिसरातील उड्डाणपूल, अंडरपास आणि रस्त्यांवरील अडथळे दूर करून वाहतूक सक्षम करावी, तसेच वेगाने विकसित होत असलेल्या भागात उद्याने, रस्ते व नागरी सुविधा केंद्रे (Chinchwad Traffic Updates)विकसित करावीत.
