पिंपरी-चिंचवड (PCMC) मनपाच्या स्थायी समिती निवड प्रक्रियेत यंदा भाजपने वेगळा प्रयोग करत नव्या चेहऱ्यांना मोठ्या प्रमाणात संधी दिली आहे. ११ सदस्यीय समितीत तब्बल १० नवीन सदस्यांचा समावेश करण्यात आल्याने राजकीय वर्तुळात चर्चांना उधाण आले (BJP new pattern)आहे.
विशेष म्हणजे स्थायी समिती अध्यक्षपदाचे दावेदार मानले जाणारे भाजप शहराध्यक्ष शत्रुघन काटे आणि माजी सभागृह नेते शीतल उर्फ विजय शिंदे यांना पहिल्या वर्षी समितीत स्थान देण्यात आलेले नाही. त्यामुळे पक्षातील अंतर्गत रणनीतीबाबत विविध तर्कवितर्क रंगू लागले (BJP new pattern)आहेत.
नव्या नेतृत्वावर भर
स्थायी समिती ही महापालिकेच्या आर्थिक आणि धोरणात्मक निर्णयांची कळीची समिती मानली जाते. अशा महत्त्वाच्या समितीत प्रथमच निवडून आलेल्या नगरसेवकांसह नवख्या सदस्यांना संधी देत पक्षाने नव्या नेतृत्वावर विश्वास दाखवला आहे. आर्थिक कारभार अधिक पारदर्शक आणि गतिमान करण्याच्या दृष्टीने हा निर्णय घेतल्याचे पक्षाकडून सांगितले (BJP new pattern) जाते.
अध्यक्षपदाबाबत उत्सुकता
आता स्थायी समितीच्या अध्यक्षपदासाठी कोणाची निवड होणार, याकडे सर्वांचे लक्ष लागले आहे. काटे यांचे नाव चर्चेत असले तरी सदस्यत्व न मिळाल्याने समीकरणे बदलल्याचे दिसते. शीतल शिंदे यांनाही यंदा समितीबाहेर ठेवण्यात आल्याने राजकीय घडामोडींना वेग आला (BJP new pattern)आहे.
राजकीय संदेश स्पष्ट?
राजकीय विश्लेषकांच्या मते, अनुभवी नेतृत्वाला काही काळ बाजूला ठेवत नव्या पिढीला पुढे आणण्याचा हा प्रयत्न असू शकतो. आगामी महापालिका निवडणुकांच्या पार्श्वभूमीवर संघटनात्मक संतुलन साधण्याचा संदेशही या निर्णयातून दिला गेला असल्याचे बोलले जात (BJP new pattern)आहे.
स्थायी समितीच्या नव्या रचनेमुळे आर्थिक निर्णयप्रक्रियेत नेमके कोणते बदल होणार, याबाबत शहरातील नागरिकांमध्ये उत्सुकता निर्माण झाली (BJP new pattern)आहे.
