प्रतिनिधी :इंद्रायणी नदी स्वच्छतेचा संदेश जनमानसापर्यंत पोहोचवण्यासाठी रविवारी आयोजित करण्यात आलेल्या ‘रिव्हर सायक्लोथॉन 2025’ या उपक्रमाला यंदा अभूतपूर्व प्रतिसाद मिळाला. वारकरी परंपरेची वात्सल्यपूर्ण परंपरा आणि पर्यावरणसंवर्धनाचा संदेश यांचा सुंदर संगम यामध्ये अनुभवायला मिळाला. विशेषतः ‘शिव-शंभू यशोगाथा’ हा कार्यक्रम उपस्थितांचे लक्ष वेधून घेणारा ठरला. शिवकालीन शौर्य, सांस्कृतिक वारसा आणि नदी संरक्षणाचा संदेश यांची प्रभावी जोड या (River Cyclothon 2025) पिंपरी-चिंचवड सायक्लोथॉनमध्ये पाहायला मिळाली.
रविवार, 23 नोव्हेंबर रोजी पहाटे सहा वाजता ‘स्टॅच्यू ऑफ हिंदूभूषण – धर्मवीर छत्रपती संभाजी महाराज स्मारक’ परिसरातून सायक्लोथॉनची सुरुवात झाली. आमदार महेश लांडगे यांच्या संकल्पनेतून सलग नऊ वर्षे आयोजित होत असलेल्या या उपक्रमाने यंदा नवा विक्रम नोंदवला. रणमर्द शिलेदारांचे संचलन, मर्दानी खेळ, ढोल-ताशांचा दणदणाट आणि मशाल-दिवटीच्या नृत्यरचना यामुळे शिवराज्यकालीन वातावरणाची जिवंत झलक अनुभवायला मिळाली. शिव(River Cyclothon 2025) पिंपरी-चिंचवड शंभू गर्जनेने परिसर दुमदुमून गेला.
कार्यक्रमाला पिंपरी-चिंचवड महानगरपालिकेचे प्रभारी आयुक्त श्रावण हर्डीकर, माजी महापौर राहुल जाधव, नितीन काळजे, भाजपा शहराध्यक्ष शत्रुघ्न काटे, धनश्री हॉस्पिटलचे संचालक तसेच अनेक संस्था-संघटनांचे प्रतिनिधी आणि मान्यवर उपस्थित होते. पिंपरी-चिंचवड महानगरपालिका, अविरत श्रमदान संस्था, सायकल मित्र, WTE फाउंडेशन आणि महेशदादा स्पोर्ट्स फाउंडेशन यांच्या संयुक्त विद्यमाने हा ( River Cyclothon 2025) पिंपरी-चिंचवड
उपक्रम पार पडला.
जगातील सर्वात उंच ‘स्टॅच्यू ऑफ हिंदूभूषण’ छत्रपती संभाजी महाराजांना नमन करण्यासाठी हजारो शिवप्रेमी उपस्थित होते. ‘शिव-शंभू यशोगाथा’ हे या वर्षीचे मुख्य आकर्षण ठरले.
एआय काउंटिंग सिस्टममुळे मिळाले विक्रमी आकडे
सायक्लोथॉनसाठी 38 हजार सायकलपटूंनी ऑनलाईन नोंदणी केली होती. मात्र, WTE फाउंडेशनने वापरलेल्या एआय काउंटिंग सिस्टममुळे प्रत्यक्ष उपस्थितीचे आकडे आणखीनच मोठे ठरले. संगणक दृष्टी आणि डीप लर्निंग तंत्रज्ञानावर आधारित अहवालानुसार 51 हजार 300 पेक्षा अधिक सायकली आणि जवळपास 78 हजार 900 नागरिक उपस्थित होते. नोंदणीपेक्षा अनेक पटीने अधिक लोकांनी सहभाग घेतला, ही बाब विशेष ठरली.
आयोजनात पिंपरी-चिंचवड महापालिका आणि प्रभारी आयुक्त श्रावण हर्डीकर यांनी महत्त्वपूर्ण भूमिका बजावली. पोलिस विभाग, शासकीय यंत्रणा, शाळा-महाविद्यालयांनी मिळून हा उपक्रम यशस्वी केला, अशी भावना मुख्य समन्वयक डॉ. निलेश लोंढे यांनी व्यक्त (River Cyclothon 2025) पिंपरी-चिंचवड केली.
तीन ट्रॅक आणि हजारोंचा उत्साह
या सायक्लोथॉनमध्ये 5, 15 आणि 25 किमी अशा तीन वेगवेगळ्या ट्रॅकवर हजारोंनी सहभाग नोंदवला.
अविरत श्रमदान संस्थेचे डॉ. निलेश लोंढे म्हणाले की, ‘शिव-शंभू यशोगाथा ही केवळ सांस्कृतिक सादरीकरणांची मालिका नसून इतिहास-संस्कृती जपण्याची प्रेरणा आहे. हीच प्रेरणा पर्यावरणसंवर्धनात अधिकाधिक (River Cyclothon 2025) पिंपरी-चिंचवड
लोकांना सामील करेल.’
आमदार महेश लांडगे म्हणाले की,
इंद्रायणी ही आपल्या संस्कृतीची जीवनधारा आहे. तिच्या स्वच्छतेसाठी सर्वांनी एकत्र येणे गरजेचे आहे. मुख्यमंत्री देवेंद्र फडणवीस यांनी इंद्रायणी नदी सुधार प्रकल्पाला दिलेली मान्यता हा या उपक्रमाचा मोठा विजय आहे. जवळपास 79 हजार नागरिकांच्या सहभागामुळे नदीसंवर्धनाचा लढा अधिक सक्षम होईल. यंदाची सायक्लोथॉन स्टॅच्यू ऑफ हिंदूभूषणला समर्पित करण्यात आली असून हजारो सायकलपटूंनी धर्मवीर छत्रपती संभाजी महाराजांच्या स्मारकाला (River Cyclothon 2025) पिंपरी-चिंचवड
अभिवादन केले.
ते पुढे म्हणाले की, स्मारक उभारणीच्या काळात अनेक आरोप झाले, अडचणी आल्या; परंतु पुढील काळात कोणताही खोटा आरोप सहन केला जाणार नाही. शिव-शंभूंच्या कार्यासाठी शहरातील सर्वांनी (River Cyclothon 2025) पिंपरी-चिंचवड
एकत्र यावे.
पिंपरी-चिंचवड महानगरपालिकेचे प्रभारी आयुक्त श्रावण हर्डीकर म्हणाले की,पवना, इंद्रायणी आणि मुठा या तीन नद्यांचे संवर्धन ही आपली सामूहिक जबाबदारी आहे. नागरिकांनी सायकलचा वापर वाढवून नॉन-मोटराइज्ड वाहतुकीला प्रोत्साहन द्यावे. त्यामुळे प्रदूषण कमी होईल आणि शहराच्या आरोग्यदायी वातावरणाला चालना मिळेल. नदी आणि शहर प्रदूषणमुक्त ठेवण्यासाठी प्रत्येकाने पुढाकार घेण्याची (River Cyclothon 2025 ) पिंपरी-चिंचवड
गरजआहे.
