प्रतिनिधी :पिंपरी-चिंचवड शहरातील निगडी परिसरात आज दुपारी अचानक अवकाळी पावसाने हजेरी लावली. दुपारी सुमारे ३ ते ५ वाजण्याच्या दरम्यान जोरदार सरी कोसळल्या असून काही ठिकाणी गारांचाही वर्षाव झाला. त्यामुळे नागरिकांना उकाड्यातून तात्पुरता दिलासा मिळाला असला तरी हवामानात अचानक बदल झाल्याने दैनंदिन जीवनावर परिणाम (Unseasonel Rain) झाला.
हवामान खात्याने मार्च महिन्याच्या शेवटच्या आठवड्यात अवकाळी पावसाचा इशारा दिला होता. हा अंदाज आज अक्षरशः तंतोतंत खरा ठरल्याचे दिसून आले. दुपारच्या सुमारास अचानक ढग दाटून आले आणि काही मिनिटांतच पावसाला सुरुवात झाली. काही भागांत वाऱ्याच्या जोरदार झोतांसह गारांचा मारा झाल्याने रस्त्यावर पाणी साचले आणि वाहतुकीलाही काही प्रमाणात अडथळा निर्माण (Unseasonel Rain)झाला.
या अवकाळी पावसामुळे वातावरणात गारवा निर्माण झाला असला तरी हवामान खात्याने पुढील काही दिवसांत उष्णतेत वाढ होण्याची शक्यता व्यक्त केली आहे. विशेषतः एप्रिलच्या सुरुवातीला तापमानात चढ-उतार होण्याची शक्यता असून नागरिकांनी आरोग्याची काळजी घेण्याचे आवाहन करण्यात आले (Unseasonel Rain)आहे.
दरम्यान, या अचानक झालेल्या पावसामुळे काही ठिकाणी वीजपुरवठा खंडित झाल्याच्या घटना घडल्या आहेत. तसेच, शेतकऱ्यांसाठीही हा पाऊस चिंतेचा विषय ठरू शकतो, कारण हंगामी पिकांवर त्याचा परिणाम होण्याची भीती व्यक्त केली जात (Unseasonel Rain)आहे.
एकूणच, निगडी परिसरात पडलेल्या या अवकाळी पावसाने हवामान खात्याचा अंदाज अचूक ठरवत नागरिकांना आश्चर्याचा धक्का दिला (Unseasonel Rain)आहे.
