प्रतिनिधी:भारत आणि दक्षिण आफ्रिका यांच्यातील दोन कसोटी सामन्यांच्या मालिकेतील दुसरा सामना उद्या गुवाहाटीतील बारसापारा स्टेडियमवर खेळला जाणार आहे. सामना सकाळी ९ वाजता सुरू होईल, तर टॉस ८.३० वाजता होईल. भारतीय कर्णधार शुभमन गिल या सामन्यात खेळण्याची शक्यता कमी असून, त्याच्या जागी नितीश रेड्डीला संधी मिळण्याची शक्यता (Guwahati Test-2025) व्यक्त केली जात आहे.
पहिल्या कसोटीत पराभवानंतर भारत मालिकेत ०-१ ने पिछाडीवर आहे. दक्षिण आफ्रिकेने कोलकात्यातील पहिला सामना ३० धावांनी जिंकला होता. या विजयासह पाहुण्या संघाला मालिकेत आघाडी मिळाली असून, यजमान भारतासमोर क्लीन स्वीप होण्याचा धोका निर्माण झाला आहे. गुवाहाटीमध्ये पहिल्यांदाच कसोटी सामना खेळला जात असल्याने खेळपट्टीची प्रकृती आणि स्थानिक परिस्थिती लक्षात घेऊन अंतिम संघनिवड महत्त्वाची ठरणार आहे. पहिल्या सामन्यात भारतीय फलंदाजांना मोठी धावसंख्या उभारण्यात यश (Guwahati Test-2025)आले नव्हते.
गिलच्या सहभागाबाबत शंका
कोलकाता कसोटीच्या पहिल्या डावात मानेच्या दुखापतीमुळे शुभमन गिल मैदानात जास्त वेळ टिकू शकला नाही आणि त्याला रुग्णालयात दाखल करण्यात आले. तिसऱ्या दिवशी बीसीसीआयने गिल पुढील खेळातून बाहेर पडल्याची माहिती दिली. दुसऱ्या कसोटीत त्याची उपलब्धता अद्याप अनिश्चित आहे. फलंदाजी प्रशिक्षक सीतांशू कोटक यांनी सांगितले की गिलची प्रकृती सुधारत असली तरी अंतिम निर्णय २१ नोव्हेंबरच्या संध्याकाळी घेतला जाईल. गिलला पुन्हा दुखापत होऊ नये यासाठी वैद्यकीय पथक सर्व (Guwahati Test-2025) घटकांचा विचार करत आहे.
गिलच्या जागी साई सुदर्शन किंवा नितीश रेड्डी?
गिल उपलब्ध नसल्यास साई सुदर्शनला अंतिम अकरात स्थान मिळण्याची दाट शक्यता आहे. त्याचबरोबर देवदत्त पडिकल आधीच संघात असल्यामुळे दुसऱ्या फलंदाजाची निवड विचारात घ्यावी लागेल. भारताकडे नितीश रेड्डीच्या रूपात अतिरिक्त अष्टपैलू खेळाडूचा पर्याय उपलब्ध आहे. वॉशिंग्टन सुंदर किंवा अक्षर पटेल यांना विश्रांती दिल्यास रेड्डीला संधी मिळू (Guwahati Test-2025) शकते.
सामन्यापूर्वीचे आकडे
आजवर भारत–दक्षिण आफ्रिका यांच्यात ४४ कसोटी सामने झाले असून, भारताने १६ आणि दक्षिण आफ्रिकेने १९ सामने जिंकले आहेत. तीन सामने अनिर्णित राहिले आहेत. भारतात खेळलेल्या २० कसोट्यांपैकी ११ भारताने (Guwahati Test-2025) जिंकल्या आहेत.
या वर्षी शुभमन गिल भारताचा सर्वाधिक धावा करणारा फलंदाज ठरला आहे. त्याने नऊ सामन्यांत ९८३ धावा करून पाच शतके झळकावली आहेत. रवींद्र जडेजा धावांच्या यादीत दुसऱ्या क्रमांकावर आहे. गोलंदाजीत मोहम्मद सिराज ४१ बळींसह अव्वल आहे. दक्षिण आफ्रिकेसाठी वियान मुल्डर सर्वाधिक धावा करणारा फलंदाज असून, केशव महाराज २२ बळींसह अग्रस्थानी (Guwahati Test-2025) आहे.
सामना अर्धा तास लवकर
गुवाहाटीसह ईशान्येकडील भागात सूर्योदय आणि सूर्यास्त तुलनेने लवकर होतो. त्यामुळे सामना सकाळी ९ वाजता सुरू होणार आहे. पहिल्या सत्राचा कालावधी सकाळी ९ ते ११, त्यानंतर २० मिनिटांचा चहापानाचा ब्रेक असेल. दुसरे सत्र ११.२० ते १.२०, त्यानंतर ४० मिनिटांचा जेवणाचा ब्रेक आणि तिसरे सत्र दुपारी २ ते ४ वाजेपर्यंत (Guwahati Test-2025)खेळले जाईल.
खेळपट्टी आणि हवामानाचा परिणाम
बारसापारा स्टेडियमची खेळपट्टी सामान्यतः फलंदाजांना अनुकूल मानली जाते. येथील हा पहिलाच कसोटी सामना असल्याने रनफेस्ट होण्याची शक्यता आहे. नवीन चेंडूसह वेगवान गोलंदाजांना काही प्रमाणात मदत मिळू शकते. सकाळची आर्द्रता, धुके आणि थंड वारा यामुळे स्विंग आणि सीम मूव्हमेंट होण्याची शक्यता आहे. सामना पुढे सरकत असताना खेळपट्टी कोरडी होत गेल्यास फिरकी गोलंदाजांकडून (Guwahati Test-2025) वळणाची अपेक्षा आहे.
बारसापारा स्टेडियम भारताचे ३० वे कसोटी मैदान
गुवाहाटीतील बारसापारा स्टेडियम भारतातील ३० वे कसोटी मैदान ठरणार आहे. हे जगातील १२४ वे कसोटी स्थळ असेल. येथे २०१७ मध्ये पहिला आंतरराष्ट्रीय टी-20 सामना खेळला गेला होता. आतापर्यंत या मैदानावर चार टी-20 आणि दोन एकदिवसीय सामने (Guwahati Test-2025) खेळले गेले आहेत.
दोन्ही संघांचे संभाव्य प्लेइंग इलेव्हन
भारत: यशस्वी जैस्वाल, केएल राहुल, साई सुदर्शन, ऋषभ पंत (कर्णधार/यष्टीरक्षक), रवींद्र जडेजा, ध्रुव जुरेल, वॉशिंग्टन सुंदर, अक्षर पटेल, कुलदीप यादव, जसप्रीत बुमराह, मोहम्मद सिराज.
दक्षिण आफ्रिका: एडन मार्कराम, रायन रिकेल्टन, वियान मुल्डर, टेम्बा बावुमा (कर्णधार), टोनी डी जिओर्गी, ट्रिस्टन स्टब्स, काइल वेरेन (यष्टीरक्षक), सायमन हार्मर, केशव महाराज, मार्को यान्सन, कॉर्बिन (Guwahati Test-2025)बॉश.
