स्व. डॉ. अभय दिवाण यांच्या जयंतीनिमित्त रक्तदान शिबिर; स्मृतींना मानवंदना, जीवनाला नवसंजीवनी
निगडी : एखादा कर्ता, दयाळू आणि समाजाभिमुख माणूस अकाली काळाच्या पडद्याआड जातो, तेव्हा त्याच्या आठवणी केवळ शब्दांत नव्हे तर कृतीतून जपल्या गेल्या पाहिजेत. निगडी येथील प्रसिद्ध अस्थिरोग तज्ञ स्व. डॉ. अभय दिवाण यांच्या जयंतीनिमित्त आयोजित करण्यात आलेले रक्तदान शिबिर हे त्यांच्या कार्याला दिलेली अशीच एक जिवंत मानवंदना ठरणार (Blood Donation camp) आहे.
मराठवाड्यातील परभणी जिल्ह्यातून पिंपरी-चिंचवडमध्ये येऊन आपल्या ज्ञान, कौशल्य आणि सेवाभावाच्या जोरावर अल्पावधीतच स्वतःचे वेगळे स्थान निर्माण करणारे डॉ. अभय दिवाण हे रुग्णांसाठी केवळ डॉक्टर नव्हते, तर आधारवड होते. त्यांच्या अकाली निधनानंतर दिवाण हॉस्पिटलची जबाबदारी त्यांच्या सुविद्य पत्नी व सर्जन डॉ. सुवर्णा दिवाण यांनी समर्थपणे सांभाळली. त्यांनी केवळ रुग्णसेवा चालू ठेवली नाही, तर स्व. डॉ. दिवाण यांचे सामाजिक भान आणि सेवाकार्यही तेवढ्याच ताकदीने जिवंत ठेवले(Blood Donation camp) आहे.
आजही दिवाण हॉस्पिटलमध्ये गरजू रुग्णांना अल्प दरात आणि योग्य उपचार उपलब्ध करून दिले जातात. या सेवाभावातूनच एक अभिनव उपक्रम मागील चार वर्षांपासून सातत्याने राबविला जात आहे — तो म्हणजे रक्तदान(Blood Donation camp) शिबिर.
रक्तदान हे जगातील श्रेष्ठ दानांपैकी एक मानले जाते. अपघात, शस्त्रक्रिया, प्रसूती, कॅन्सर किंवा इतर गंभीर आजारांमध्ये रुग्णांसाठी रक्त म्हणजे जीवनदायी अमृतच असते. मात्र शहरातील रक्तपेढ्यांमध्ये नेहमीच रक्ताचा तुटवडा जाणवत असतो. ही सामाजिक गरज ओळखून डॉ. सुवर्णा दिवाण यांनी दरवर्षी जयंतीनिमित्त रक्तदान शिबिर आयोजित करण्याचे व्रतच हाती घेतले (Blood Donation camp) आहे.
“स्व. डॉ. अभय दिवाण यांच्यावर प्रेम करणाऱ्या सर्व मित्रांनी, रुग्णांनी आणि हितचिंतकांनी त्यांच्या स्मृतीप्रित्यर्थ रक्तदान करून एखाद्या गरजू रुग्णाला जीवनदान द्यावे,रक्तदान करणे शक्य नसल्यास किमान या कार्यक्रमास आवर्जून उपस्थित रहावे ” असे आवाहन डॉ. सुवर्णा दिवाण यांनी केले (Blood Donation camp) आहे.
हे रक्तदान शिबिर रविवार, दिनांक १५ फेब्रुवारी रोजी सकाळी ९ वाजता, बी.जी. कॉर्नर, निगडी येथील दिवाण हॉस्पिटलमध्ये आयोजित करण्यात आले आहे.
एखाद्या व्यक्तीच्या स्मृती जपण्याचा सर्वोत्तम मार्ग म्हणजे त्याच्या विचारांना आणि कार्याला पुढे नेणे. स्व. डॉ. अभय दिवाण यांच्या जयंतीनिमित्त होणारे हे रक्तदान शिबिर म्हणजे त्यांच्या सेवाभावी जीवनकार्याला दिलेली खरी श्रद्धांजली ठरणार(Blood Donation camp) आहे.
