पिंपरी चिंचवड निवडणूक प्रमुख शंकर जगताप यांचा “अब की बार 100 पार”चा ठाम विश्वास; भाजप ॲक्शन मोडवर
महापालिका निवडणुकांसाठी उमेदवारांच्या मुलाखती सुरू
एकूण 730 अर्ज; उद्या मुलाखत प्रक्रिया पूर्ण होणार
पिंपरी:- राज्यातील स्थानिक स्वराज्य संस्थांच्या निवडणुका जाहीर होताच पिंपरी चिंचवड शहरात भारतीय जनता पार्टी पूर्णपणे ॲक्शन मोडवर आली आहे. प्रदेशाध्यक्ष रविंद्र चव्हाण यांच्या सूचनेनुसार सक्षम आणि विजयी उमेदवार देण्यासाठी मुलाखत प्रक्रिया राबवली जात असल्याची माहिती आमदार तसेच पिंपरी चिंचवड निवडणूक प्रमुख शंकर जगताप (Pcmc BJP Election) यांनी दिली.
आगामी महापालिका निवडणुकांच्या पार्श्वभूमीवर भाजपने इच्छुक उमेदवारांच्या अधिकृत मुलाखतींना सुरुवात केली आहे. मंगळवारी मोरवाडी, पिंपरी येथील भाजप मध्यवर्ती कार्यालयात या मुलाखती शिस्तबद्ध आणि नियोजनबद्ध पद्धतीने पार पडल्या. यावेळी आमदार महेश लांडगे, विधान परिषद आमदार अमित गोरखे आणि आमदार उमा खापरे (Pcmc BJP Election) उपस्थित होते.
आमदार शंकर जगताप यांनी सांगितले की, मंगळवारी प्रभाग क्रमांक १ ते १६ मधील इच्छुक उमेदवारांच्या मुलाखती घेण्यात आल्या असून सुमारे 300 हून अधिक उमेदवारांनी सहभाग नोंदवला. उर्वरित प्रभाग क्रमांक 17 ते 32 मधील उमेदवारांच्या मुलाखती बुधवारी, 17 डिसेंबर रोजी होणार आहेत. प्रत्येक प्रभागासाठी साधारण अर्धा तासाचा कालावधी निश्चित करण्यात (Pcmc BJP Election)आला आहे.
या मुलाखतीदरम्यान उमेदवारांचा पक्षसंघटनेतील अनुभव, जनतेशी असलेला संपर्क, सामाजिक कार्य, विकासात्मक दृष्टिकोन, संघटनात्मक बांधिलकी तसेच निवडणूक जिंकण्याची क्षमता या सर्व बाबींवर सखोल चर्चा करण्यात आली. कोणताही भेदभाव न करता प्रत्येक इच्छुक उमेदवाराला आपली भूमिका आणि काम मांडण्याची संधी देण्यात आली. संपूर्ण प्रक्रिया पारदर्शक पद्धतीने राबवण्यात आल्यामुळे कार्यकर्त्यांमध्ये उत्साहाचे वातावरण निर्माण झाले (Pcmc BJP Election) आहे.
भाजपची कार्यप्रणाली ही अनुशासन, शिस्त आणि संघटन या तीन मूलभूत तत्वांवर आधारित आहे. या तत्वांनुसार योग्य, सक्षम आणि समाजातील वंचित घटकांपर्यंत पोहोचणाऱ्या उमेदवारांना संधी देण्याची भूमिका पक्षाने घेतली आहे. उमेदवार निवडीसाठी स्पष्ट निकष ठरवण्यात आले असून त्यानुसार शहरातील कोअर कमिटी उमेदवारांची निवड करेल आणि त्याची माहिती पक्षश्रेष्ठींना (Pcmc BJP Election) दिली जाईल.
“शहराचा सर्वांगीण विकास हेच आमचे अंतिम ध्येय आहे. त्यामुळे त्या ताकदीचे आणि जनतेशी जोडलेले उमेदवार निवडण्यावर भाजपचा भर आहे. याच विश्वासातून ‘अब की बार 100 पार’ हे लक्ष्य निश्चित केले आहे,” असे आमदार शंकर (Pcmc BJP Election)जगताप यांनी स्पष्ट केले.
