प्रतिनिधी :पिंपरी चिंचवड महापालिकेच्या समाज विकास विभाग आणि लाइट हाऊस कम्युनिटी फाउंडेशन यांच्या संयुक्त विद्यमाने सिटी हब फॉर डेटा कम्युनिकेशन (सीएचडीसी) उपक्रमांतर्गत युवक–युवतींसाठी आयोजित रोजगार मेळाव्याला उत्स्फूर्त प्रतिसाद मिळाला. चिंचवड येथील ऑटो क्लस्टर एक्झिबिशन सेंटरमध्ये आयोजित या मेळाव्यात ५० हून अधिक कंपन्यांनी सहभाग नोंदवत १ हजारपेक्षा अधिक नोकरीच्या संधी उपलब्ध करून (PCMC Job Fair )दिल्या.
महापालिका आयुक्त श्रावण हर्डीकर, अतिरिक्त आयुक्त तृप्ती सांडभोर यांच्या मार्गदर्शनाखाली आणि उपायुक्त ममता शिंदे यांच्या अधिपत्याखाली हा मेळावा आयोजित करण्यात आला होता. फिल्ड ऑफिसर, एक्झिक्युटिव्ह, इंजिनिअरिंग, अकाउंट्स, कस्टमर सर्व्हिस, सेल्स प्रतिनिधी अशा विविध पदांसाठी भरती प्रक्रिया राबविण्यात(PCMC Job Fair ) आली.
१०वी, १२वी, आयटीआय, डिप्लोमा ते ग्रॅज्युएटपर्यंत सर्व शैक्षणिक पात्रतेच्या उमेदवारांनी मेळाव्यात मोठ्या संख्येने हजेरी लावली. विविध नामांकित कंपन्यांच्या उपस्थितीमुळे तरुणांमध्ये उत्साहाचे वातावरण होते. कंपन्यांनी मुलाखती घेऊन पात्र उमेदवारांना नियुक्तीपत्रेही(PCMC Job Fair ) प्रदान केली.
मेळाव्याला महापालिकेचे उपायुक्त अण्णा बोदडे, जनता संपर्क अधिकारी प्रफुल्ल पुराणिक तसेच लाइट हाऊस कम्युनिटी फाउंडेशनचे विजय प्रकाश, जय देवकर, लखन रोकडे, काकासाहेब भुरे, रुपेश कुऱ्हाडे आदी मान्यवरांनी भेट दिली.
महापालिकेचा सीएचडीसी प्रकल्प डेटा विश्लेषणाच्या आधारे नागरिकांच्या गरजांनुसार सेवा पुरविण्यावर भर देत असून, त्याचाच एक भाग म्हणून या रोजगार मेळाव्याचे आयोजन करण्यात आले. शहरातील सुशिक्षित युवक–युवतींना रोजगाराच्या संधी उपलब्ध करून देणे हे समाज विकास विभागाचे प्रमुख उद्दिष्ट असल्याचेही स्पष्ट करण्यात आले.
आयुक्त श्रावण हर्डीकर यांनी सांगितले की, शहरातील तरुणांना रोजगार मिळवून देण्यासाठी महापालिका ठोस पावले उचलत आहे आणि पुढील काळातही अशा उपक्रमांची व्याप्ती वाढविण्याचा मानस आहे. अतिरिक्त आयुक्त तृप्ती सांडभोर यांनी तरुणांना कौशल्य आणि संधी यांचा दुवा मिळवून देणे हे महापालिकेचे ध्येय असल्याचे सांगितले. उपायुक्त ममता शिंदे यांनी कंपन्या आणि उमेदवार यांना एकाच व्यासपीठावर आणणारा हा मेळावा अत्यंत यशस्वी ठरल्याचे नमूद केले.
