“…आणि स्वामी समर्थ बाल स्वरूपात अवतरले..”
शिवतेजनगर : शिवतेजनगर परिसरातील श्री स्वामी समर्थ मंदिरात स्वामी समर्थ प्रकटदिनानिमित्त भक्तिमय वातावरणात विविध धार्मिक व सांस्कृतिक कार्यक्रमांचे आयोजन करण्यात आले होते. पहाटेपासूनच मंदिर परिसरात भक्तांची मोठी गर्दी उसळली होती. नामस्मरण, भजन, कीर्तन, अभिषेक, आरती अशा विविध कार्यक्रमांनी परिसर दुमदुमून (Swamisamrth Prakatdin) गेला.
सायंकाळी महाआरतीची तयारी सुरू असताना एक भावस्पर्शी आणि अनोखा प्रसंग घडला. स्वामी समर्थांच्या बाल स्वरूपात साकारलेले अवघे दोन वर्षांचे चिमुकले बालक पाहताच उपस्थित भाविक मंत्रमुग्ध झाले. “…आणि स्वामी समर्थ बाल स्वरूपात अवतरले…” असा भाविकांचा अनुभव या प्रसंगातून व्यक्त(Swamisamrth Prakatdin )झाला.
कु. अबीर प्रतिक घावटे या चिमुकल्याने स्वामी समर्थांची वेषभूषा अत्यंत आकर्षक पद्धतीने साकारली होती. त्याच्या निरागस चेहऱ्यावर आणि वेशात भाविकांना स्वामींचेच दर्शन घडल्याची भावना निर्माण झाली. उपस्थितांनी टाळ्यांच्या गजरात आणि “अक्कलकोट स्वामी समर्थ महाराज की जय”च्या जयघोषात या बालस्वरूपाचे उत्स्फूर्त स्वागत (Swamisamrth Prakatdin)केले.
या प्रसंगी मंदिर प्रतिष्ठानचे अध्यक्ष नारायण बहिरवाडे, दीपक पाटील, राजू गुणवंत तसेच सर्व सेवेकारी मंडळाने अबीरचे विशेष कौतुक केले. त्यांनी सांगितले की, अशा उपक्रमांमुळे लहान मुलांमध्ये संस्कार आणि आध्यात्मिकतेची बीजे रुजवली (Swamisamrth Prakatdin)जातात.
कार्यक्रमादरम्यान भाविकांसाठी महाप्रसादाचेही आयोजन करण्यात आले होते. हजारो भाविकांनी या सोहळ्यात सहभागी होत स्वामींच्या चरणी आपली श्रद्धा अर्पण केली. संपूर्ण परिसर भक्ती, श्रद्धा आणि उत्साहाने भारावून गेला(Swamisamrth Prakatdin )होता.
हा सोहळा केवळ धार्मिक नव्हे, तर सामाजिक एकात्मतेचेही प्रतीक ठरला. आयोजकांनी उत्कृष्ट नियोजन केल्याने कार्यक्रम सुरळीत आणि उत्साहात पार (Swamisamrth Prakatdin)पडला.
