प्रतिनिधी :पिंपरी चिंचवड शहरात स्वच्छता आणि सौंदर्यनिर्मितीचा अनोखा संगम अनुभवायला मिळत आहे. महापालिकेच्या आरोग्य विभागाने ‘टाकाऊ वस्तूंपासून सर्जनशीलता’ या संकल्पनेला नवीन रूप देत, शहरातील टाकाऊ वस्तूंमधून आकर्षक कलाकृती तयार करण्याचा उपक्रम राबवला आहे. ही कलाकृती केवळ नजरेत भरणारी नसून पर्यावरण संवर्धन आणि स्वच्छतेला चालना देणारी (Pimpri Chinchwad beautification) ठरत आहेत.
शहरातील संवेदनशील ठिकाणांवर हा नावीन्यपूर्ण उपक्रम राबवण्यात आला आहे. यामध्ये प्रभाग १७ बिजलीनगर, प्रभाग २२ शांती चौक काळेवाडी तसेच प्रभाग ०५ सखुबाई गवळी उद्यान, आळंदी रोड, भोसरी या भागातील सार्वजनिक जागा रंगतदार, आकर्षक कलाकृतींनी सजवण्यात (Pimpri Chinchwad beautification) आल्या आहेत.
सफाई सेवकांनी टाकाऊ टायर, प्लास्टिकचे डबे, बाटल्या, लोखंडी फ्रेम्स, पाइप्स यांसारख्या वस्तूंचा कल्पकतेने उपयोग करून उद्याने, रस्त्याकडील जागा आणि सार्वजनिक स्थळांचे सुशोभीकरण केले आहे. त्यांच्या मेहनतीमुळे शहरात सौंदर्याची नवी झळक निर्माण झाली (Pimpri Chinchwad beautification)आहे.
या उपक्रमासाठी पिंपरी चिंचवड महापालिका आयुक्त श्रावण हर्डीकर, अतिरिक्त आयुक्त विजयकुमार खोराटे, उप आयुक्त व आरोग्य विभाग प्रमुख डॉ. प्रदीप ठेंगल यांच्या मार्गदर्शनाखाली सहायक आरोग्य अधिकारी राजेश भाट, सुधीर वाघमारे, श्रीराम गायकवाड, मुख्य आरोग्य निरीक्षक अतुल सोनवणे, आरोग्य निरीक्षक रूपाली साळवे, मुकेश जगताप आणि विकास शिरवाळे यांनी विशेष परिश्रम घेतले.
टाकाऊ वस्तूंचा सर्जनशील वापर केल्यास सुंदर परिवर्तन घडवता येते हे आरोग्य विभागाने या उपक्रमातून दाखवून दिले आहे. नागरिकांकडूनही या मोहिमेला उत्स्फूर्त प्रतिसाद मिळत असून शहरात ‘स्वच्छतेतून सौंदर्य’ हा सकारात्मक बदल (Pimpri Chinchwad beautification )दिसून येत आहे.
पिंपरी चिंचवड महापालिकेची ही कलात्मक मोहीम इतर शहरांसाठीही प्रेरणादायी ठरत असून पुढील काळात अशाच अनेक सुशोभीकरण प्रकल्पांची योजना ( Pimpri Chinchwad beautification) राबवण्यात येणार आहे.
– डॉ. प्रदीप ठेंगल, उप आयुक्त, आरोग्य विभाग
