पिंपरी : पिंपरी-चिंचवड महानगरपालिका सार्वत्रिक निवडणूक २०२६ च्या अनुषंगाने होणाऱ्या मतमोजणी प्रक्रियेसाठी तयार करण्यात आलेल्या सविस्तर आराखड्यास आयुक्त तथा निवडणूक अधिकारी श्रावण हर्डीकर यांनी आज मंजुरी दिली. मतमोजणी प्रक्रिया पारदर्शक, सुरळीत व वेळेत पूर्ण व्हावी, या दृष्टीने सर्व आवश्यक बाबींचा समावेश या आराखड्यात करण्यात आला (PCMC Election Counting) आहे.
या आराखड्यानुसार मतमोजणी केंद्रांची रचना, टेबल मांडणी, अधिकारी व कर्मचाऱ्यांची नेमणूक, सुरक्षा व्यवस्था, सीसीटीव्ही यंत्रणा, अग्निशमन तसेच वैद्यकीय सुविधांचा सविस्तर तपशील निश्चित करण्यात आला आहे. मतमोजणीदरम्यान कायदा व सुव्यवस्थेचा प्रश्न निर्माण होऊ नये, यासाठी पोलिस विभागाशी समन्वय साधण्यात आला असून आवश्यक बंदोबस्त तैनात करण्यात येणार (PCMC Election Counting)आहे.
मतमोजणीसाठी नियुक्त करण्यात येणाऱ्या मतमोजणी अधिकारी, पर्यवेक्षक व सहाय्यक कर्मचाऱ्यांना पूर्व प्रशिक्षण देण्यात येणार असून, निवडणूक आयोगाच्या मार्गदर्शक सूचनांचे काटेकोर पालन केले जाणार आहे. तसेच उमेदवार व त्यांच्या प्रतिनिधींसाठी स्वतंत्र आसनव्यवस्था, ओळखपत्र तपासणी व माहिती कक्ष उभारण्यात येणार (PCMC Election Counting) आहे.
मतमोजणी केंद्र परिसरात वाहतूक नियंत्रण, पार्किंग व्यवस्था तसेच प्रसारमाध्यमांसाठी स्वतंत्र कक्षाची व्यवस्था करण्यात आली आहे. निकाल जाहीर करताना अचूकता व पारदर्शकता राखण्यासाठी संगणकीय प्रणालीचा वापर करण्यात येणार (PCMC Election Counting) आहे.
मतमोजणी प्रक्रिया शांततापूर्ण व विश्वासार्ह पद्धतीने पार पाडून नागरिकांचा लोकशाही व्यवस्थेवरील विश्वास अधिक दृढ व्हावा, यासाठी सर्व संबंधित विभागांनी समन्वयाने काम करावे, अशा सूचना आयुक्त तथा निवडणूक अधिकारी श्रावण हर्डीकर यांनी (PCMC Election Counting) यावेळी दिल्या.
