पिंपरी-चिंचवड :पिंपरी-चिंचवड महानगरपालिकेची निवडणूक शांततेत, सुरक्षित आणि भयमुक्त वातावरणात पार पडावी यासाठी पिंपरी-चिंचवड पोलिसांनी व्यापक आणि कडक उपाययोजना केल्या आहेत. निवडणुकीच्या पार्श्वभूमीवर पोलिसांनी ९६२ जणांवर प्रतिबंधात्मक कारवाई केली असून ८७ सराईत गुन्हेगारांना जिल्ह्याबाहेर तडीपार करण्यात आले आहे. तसेच ९ गुन्हेगारी टोळ्यांमधील ४७ गुन्हेगारांवर महाराष्ट्र संघटित गुन्हेगारी नियंत्रण कायदा (मकोका) अंतर्गत कारवाई करण्यात आली (PCMC police) आहे.
आचारसंहिता लागू झाल्यापासून पोलिसांनी तपासणीत १६ लाख १७ हजार ४०० रुपये रोख रक्कम जप्त केली आहे. या रकमेची निवडणूक विभाग व आयकर विभागामार्फत पडताळणी सुरू असून पुढील कायदेशीर प्रक्रिया केली जात (PCMC police) आहे.
दारूबंदी व इतर कायद्यांतर्गत ९६२ जणांवर कारवाई करण्यात आली असून ८७ गुन्हेगारांना तडीपार करण्यात आले आहे. एनडीपीएस कायद्यान्वये ७ गुन्हेगारांना स्थानबद्ध करण्यात आले आहे. तसेच ४३८ गुन्हेगारांना स्थानिक क्षेत्राबाहेर जाण्यास प्रतिबंध घालण्यात (PCMC police) आला आहे.
पोलिसांनी विशेष मोहिमेत ९ पिस्तूल जप्त करत ११ जणांना अटक केली असून २३ इतर घातक शस्त्रे जप्त करून २२ जणांना अटक करण्यात आली आहे. अवैध शस्त्रविरोधी मोहिमेत एकूण ९१ पिस्तूल जप्त करण्यात आली (PCMC police) आहेत.
दारूबंदी प्रकरणी २७६ कारवायांमध्ये १० लाख ३६ हजार ९७२ रुपयांचा मुद्देमाल जप्त करण्यात आला आहे. तसेच गांजा, एमडी, ओजी कुश गांजा यांसारख्या अमली पदार्थांच्या विक्रीप्रकरणी १८ कारवायांमध्ये ६६ लाख १९ हजार ५३१ रुपयांचा मुद्देमाल जप्त करण्यात आला (PCMC police) आहे.
मनपा निवडणुकीसाठी ४२० इमारतींमध्ये मतदान केंद्र
पिंपरी-चिंचवड महानगरपालिकेत एकूण ३२ प्रभाग असून प्रत्येक प्रभागातून चार नगरसेवक निवडले जाणार आहेत. त्यासाठी शहरातील ४२० इमारतींमध्ये एकूण २ हजार १३५ मतदान केंद्रांची उभारणी करण्यात आली आहे. सर्व मतदान केंद्रांवर बाह्य बंदोबस्त तैनात करण्यात येणार असून कोणताही अनुचित प्रकार घडू नये यासाठी पोलिसांकडून चोख नियोजन करण्यात आले (PCMC police) आहे.
नागरिकांनी निर्भय वातावरणात शांततेत मतदान करावे, असे आवाहन पिंपरी-चिंचवड पोलिसांकडून करण्यात आले (PCMC police) आहे.
