प्रतिनिधी :मोक्का अंतर्गत दाखल गंभीर गुन्ह्यातील फरार आरोपी अखेर पोलिसांच्या जाळ्यात
निगडी : मोक्का अंतर्गत दाखल गंभीर गुन्ह्यात गेल्या सहा महिन्यांपासून फरार असलेला आरोपी अखेर पोलिसांच्या जाळ्यात अडकला आहे. स्वतःची ओळख लपवून पोलिसांची दिशाभूल करत जंगलात वास्तव्य करणाऱ्या या आरोपीला पुणे जिल्ह्यातील जुन्नर तालुक्यातील अतिदुर्गम जंगल परिसरातून अटक करण्यात (MCOCA Accused Arrested)आली.
निगडी पोलीस ठाण्यात दाखल असलेल्या गुन्ह्यात फिर्यादी पोलिस अधिकारी यांच्या तक्रारीवरून आदित्य ऊर्फ आदि प्रविण चव्हाण (वय १९, रा. पीसीएमसी कॉलनी, ओटा स्कीम, निगडी, पुणे) याच्याविरोधात गुन्हा दाखल करण्यात आला होता. गुन्हा घडल्यापासून तो सातत्याने फरार (MCOCA Accused Arrested) होता.
पोलिस तपासापासून बचाव करण्यासाठी आरोपीने आपली ओळख बदलून वेगळे नाव धारण केले होते. तसेच स्वतःच्या नावावरील मोबाईल आणि सिमकार्ड इतर व्यक्तीकडे देऊन तो आसाम आणि कोलकाता येथे काही काळ वास्तव्यास होता. त्यानंतर तो पुणे जिल्ह्यातील जुन्नर तालुक्यातील जंगल परिसरात लपून राहत असल्याचे तपासात निष्पन्न (MCOCA Accused Arrested) झाले.
तांत्रिक विश्लेषण तसेच सातत्यपूर्ण पाठपुराव्याच्या आधारे पोलिस पथकाने आरोपीचा ठावठिकाणा निश्चित केला. अखेर जंगलात जाऊन शिताफीने त्याला ताब्यात घेण्यात आले. पुढील कारवाईसाठी आरोपीला तपास पथकाच्या ताब्यात देण्यात आले(MCOCA Accused Arrested) आहे.
या कारवाईमुळे गंभीर गुन्ह्यांतील फरार आरोपींवर पोलिसांचा वचक अधोरेखित झाला असून, कायदा चुकवण्याचा कोणताही प्रयत्न यशस्वी होणार नाही, असा ठाम संदेश देण्यात आला (MCOCA Accused Arrested)आहे.
