पिंपरी-चिंचवड :औद्योगिक नगरी म्हणून ओळखल्या जाणाऱ्या पिंपरी-चिंचवड शहरात गेल्या काही काळात गुन्हेगारीच्या घटनांमध्ये लक्षणीय घट झाली असून, पोलिस आयुक्तालयाने राबवलेल्या संघटित गुन्हेगारी, अवैध धंदे आणि सायबर गुन्ह्यांविरोधातील विशेष मोहिमांमुळे कायदा व सुव्यवस्थेची स्थिती अधिक भक्कम झाल्याची माहिती पोलीस आयुक्त विनय कुमार चौबे यांनी( PCMC Crime Reduction) दिली.
शहरातील गुंडगिरी व टोळीयुद्ध मोडीत काढण्यासाठी पोलिसांनी सराईत व संघटित गुन्हेगारांच्या टोळ्यांवर लक्ष केंद्रीत करत कठोर कारवाई केली आहे. गेल्या काही महिन्यांत ४५ संघटित गुन्हेगारी टोळ्यांतील २१३ आरोपींवर ‘मोक्का’ (MCOCA) कायद्यानुसार कारवाई करण्यात आली. “संघटित गुन्हेगारीला शहरात कोणतीही मुभा दिली जाणार नाही,” या ठाम भूमिकेमुळे गुन्हेगारांमध्ये भीती निर्माण झाल्याचे आयुक्तांनी स्पष्ट (PCMC Crime Reduction)केले.
संघटित गुन्हेगारीबरोबरच MPDA कायद्यानुसार ३५ गुन्हेगारांना स्थानबद्ध, तर ३६८ सराईत गुन्हेगारांना शहरातून तडीपार करण्यात आले आहे. या कठोर उपाययोजनांचा थेट परिणाम म्हणून गुन्हेगारी घटनांमध्ये मोठी घट नोंदवली गेली असून, नागरिकांकडून पोलिसांच्या कामगिरीचे कौतुक होत (PCMC Crime Reduction)आहे.
अवैध धंदे व शस्त्रांवर मोठी कारवाई
२०२५ या वर्षात अवैध धंद्यांविरोधात राबवलेल्या विशेष मोहिमेत ५,८१८ गुन्हे दाखल करण्यात आले असून, १६ कोटी ३७ लाख रुपयांचा मुद्देमाल जप्त करण्यात आला आहे. अवैध शस्त्र बाळगणाऱ्यांविरोधात २०५ गुन्हे दाखल करून २५३ आरोपींना अटक करण्यात आली. त्यांच्याकडून २४३ पिस्तुले आणि ३९५ काडतुसे जप्त करण्यात आली (PCMC Crime Reduction)आहेत.
सायबर गुन्हेगारीवर नियंत्रण
सायबर गुन्हेगारीच्या घटनांवर नियंत्रण मिळवण्यातही पोलिसांना लक्षणीय यश मिळाले आहे. २१५ आरोपींना अटक करण्यात आली असून, सायबर फसवणुकीचे २४ कोटी ३८ लाख रुपये पीडितांना परत देण्यात आले आहेत. आधुनिक तंत्रज्ञानाचा वापर, तातडीचा प्रतिसाद आणि जनजागृतीमुळे आर्थिक फसवणूक रोखण्यात मदत झाल्याचे आयुक्तांनी(PCMC Crime Reduction) सांगितले.
हत्या व चोरीच्या गुन्ह्यांत घट
हत्येच्या घटनांबाबत माहिती देताना आयुक्त चौबे यांनी सांगितले की, २०२४ मध्ये ८५ हत्या, तर २०२५ मध्ये ही संख्या घटून ६३ झाली आहे. यापैकी ६२ गुन्हे उघडकीस आणण्यात पोलिसांना यश मिळाले आहे. वाहनचोरी व जबरी चोरीच्या गुन्ह्यांमध्येही पोलिसांची कामगिरी उल्लेखनीय ठरली (PCMC Crime Reduction)आहे.
तंत्रज्ञानाच्या मदतीने कडक नजर
गुन्हेगारी प्रवण भागांमध्ये रात्रीची गस्त, नाकाबंदी, तसेच सीसीटीव्ही नेटवर्क, डेटा ॲनालिटिक्स आणि आधुनिक तंत्रज्ञानाचा वापर वाढवण्यात आला आहे. सराईत गुन्हेगारांवर तडीपारीसारख्या प्रतिबंधात्मक कारवाया व त्यांच्या हालचालींवर चोवीस तास लक्ष ठेवल्यामुळे शहरातील एकूण गुन्हेगारीच्या प्रमाणात स्पष्ट घट दिसून येत (PCMC Crime Reduction)आहे.
पोलीस आयुक्त विनय कुमार चौबे यांनी नागरिकांना आवाहन केले आहे की, कोणतीही संशयास्पद हालचाल दिसल्यास किंवा सायबर फसवणूक झाल्यास ‘११२’ या हेल्पलाइन क्रमांकावर तातडीने संपर्क साधावा. पोलिसांच्या प्रभावी कारवाईमुळे पिंपरी-चिंचवडमधील नागरिकांमध्ये सुरक्षिततेची भावना अधिक बळकट झाली (PCMC Crime Reduction)आहे.
