(पॅरिस, 17 जुलै):भारतीय ई-स्पोर्ट्ससाठी आजचा दिवस सुवर्णाक्षरांनी लिहिला जाईल. फ्री फायर ई-स्पोर्ट्स वर्ल्ड कप (EWC) 2026 मध्ये भारताच्या टीम अपेक्स गेमिंगने अप्रतिम आणि सातत्यपूर्ण खेळाचे प्रदर्शन करत ग्रँड फिनालेत धडक मारली आहे. जगातील अव्वल संघांशी दोन हात करत भारतीय संघाने दाखवून दिले की, आता भारत केवळ सहभागी होण्यासाठी नव्हे, तर जग जिंकण्यासाठी मैदानात (Team Apex Gaming)उतरतो.
सर्व्हायव्हल स्टेजमध्ये १२ संघांमध्ये झालेल्या १० सामन्यांनंतर अव्वल चार संघांनाच ग्रँड फिनालेचे तिकीट मिळणार होते. अत्यंत चुरशीच्या स्पर्धेत टीम अपेक्स गेमिंगने १६५ गुणांची कमाई करत दुसरे स्थान पटकावले आणि अंतिम फेरीतील आपले स्थान अधिकृतपणे निश्चित केले. या फेरीत LYON अव्वल, तर Team Falcons तिसऱ्या आणि S8UL Esports चौथ्या स्थानावर राहिले. अशा प्रकारे भारताचे दोन संघ ग्रँड फिनालेत पोहोचल्याने भारतीय ई-स्पोर्ट्ससाठी हा ऐतिहासिक क्षण ठरला (Team Apex Gaming) आहे.
सर्व्हायव्हल स्टेजच्या सुरुवातीपासूनच टीम अपेक्स गेमिंगने आक्रमक खेळाची छाप पाडली होती. पहिल्या तीन सामन्यांनंतर संघ ७२ गुणांसह अव्वल स्थानावर होता आणि ४५ एलिमिनेशन्स करत त्याने प्रतिस्पर्ध्यांवर दबदबा निर्माण केला होता. त्यानंतरही संघाने सातत्य राखत पात्रता निश्चित (Team Apex Gaming)केली.
आता १८ जुलै रोजी होणाऱ्या ग्रँड फिनालेमध्ये टीम अपेक्स गेमिंग जगातील सर्वोत्तम संघांविरुद्ध विजेतेपदासाठी मैदानात उतरणार आहे. कोट्यवधी भारतीय चाहत्यांच्या शुभेच्छा आणि अपेक्षा या संघासोबत (Team Apex Gaming) असतील.
आज प्रत्येक भारतीय गेमिंगप्रेमी अभिमानाने एकच गोष्ट म्हणत आहे—तिरंगा आता ई-स्पोर्ट्सच्या जागतिक रंगमंचावरही तितक्याच दिमाखाने फडकत आहे. भारत जिंकू शकतो, भारत जिंकत आहे आणि भारत आणखी मोठा इतिहास घडविण्यास सज्ज (Team Apex Gaming) आहे.
