प्रतिनिधी :पिंपरी-चिंचवड शहराच्या शैक्षणिक, सांस्कृतिक आणि सामाजिक जडणघडणीत मोलाचे योगदान देणाऱ्या यशवंतराव चव्हाण स्मारक समिती ला पिंपरी-चिंचवड महानगरपालिकेकडून १ कोटी रुपयांच्या अनुदानाचा धनादेश आज प्रदान करण्यात आला. महापौर रवि लांडगे यांच्या हस्ते हा धनादेश समितीकडे सुपूर्द करण्यात आला. यावेळी आमदार शंकर जगताप, उपमहापौर शर्मिला बाबर, स्थायी समिती सभापती अभिषेक बारणे, विधी समिती सदस्य कुशाग्र कदम तसेच स्मारक समितीचे पदाधिकारी उपस्थित (YCM Committee) होते.
महाराष्ट्राचे पहिले मुख्यमंत्री स्व. यशवंतराव चव्हाण यांनी राज्याच्या औद्योगिक, सहकारी आणि विकासात्मक धोरणांद्वारे आधुनिक महाराष्ट्राची भक्कम पायाभरणी केली. त्यांच्या दूरदृष्टीमुळे पिंपरी-चिंचवडसारखी गावे देशातील अग्रगण्य औद्योगिक शहरांमध्ये विकसित झाली. लाखो युवकांना रोजगाराच्या संधी उपलब्ध करून देत त्यांनी राज्याच्या प्रगतीला नवी दिशा (YCM Committee)दिली.
त्यांच्या प्रेरणादायी कार्याचा वारसा जतन करण्यासाठी स्थापन करण्यात आलेली यशवंतराव चव्हाण स्मारक समिती गेल्या अनेक वर्षांपासून सामाजिक, शैक्षणिक आणि सांस्कृतिक क्षेत्रात उल्लेखनीय कार्य करत आहे. निगडी प्राधिकरण परिसरातील समितीच्या भव्य स्मारकात ग्रंथालय, वाचनालय, अभ्यासिका, सांस्कृतिक भवन, वैद्यकीय केंद्र आणि विद्यार्थी मार्गदर्शन केंद्र यांसारख्या लोकाभिमुख सुविधा उपलब्ध करून देण्यात आल्या आहेत. या सुविधांचा लाभ हजारो विद्यार्थी, नागरिक आणि अभ्यासक घेत असून विविध समाजाभिमुख उपक्रम सातत्याने राबविले जात (YCM Committee)आहेत.
यावेळी बोलताना महापौर रवि लांडगे म्हणाले, “स्व. यशवंतराव चव्हाण यांची विचारधारा ही केवळ इतिहास नसून महाराष्ट्राच्या विकासाची प्रेरणाशक्ती आहे. शिक्षण, संस्कृती, सामाजिक बांधिलकी आणि युवकांच्या प्रगतीसाठी कार्य करणाऱ्या संस्थांना महापालिका नेहमीच पाठबळ देत राहील. हे अनुदान म्हणजे केवळ आर्थिक मदत नसून समाज घडविणाऱ्या कार्याला दिलेला सन्मान (YCM Committee)आहे.”
या अनुदानामुळे समितीच्या विविध सामाजिक, शैक्षणिक आणि सांस्कृतिक उपक्रमांना अधिक गती मिळणार असून नागरिकाभिमुख कार्य अधिक प्रभावीपणे राबविण्यास बळ मिळणार (YCM Committee) आहे.
यावेळी समितीचे अध्यक्ष सुनील जाधव, उपाध्यक्ष संजय ढेंबरे, उपाध्यक्ष अमोल भोईटे, सचिव रामभाऊ तावरे, खजिनदार विलास भोसले, सहखजिनदार अशोक चव्हाण तसेच रामचंद्र सकुंडे उपस्थित (YCM Committee)होते.
