प्रतिनिधी :मेट्रोची व्हॉट्सअॅप तिकीट सेवा सोमवारी सकाळी काही तास बंद राहिल्याने प्रवाशांना मोठ्या अडचणींचा सामना करावा लागला. सकाळी ६ ते ११:४५ या वेळेत ही सेवा बंद होती. या काळात ‘सेवा दिवसभर बंद’ असा संदेश दिसत असल्याने प्रवाशांमध्ये गोंधळ आणि नाराजी निर्माण (Metro Service Down) झाली.
मेट्रो प्रशासनाकडून मिळालेल्या माहितीनुसार, ही सेवा यंत्रणेच्या देखभाल-दुरुस्तीसाठी तात्पुरती बंद ठेवण्यात आली होती. मात्र, याबाबत आगाऊ सूचना न दिल्याने प्रवाशांना मोठा त्रास सहन करावा (Metro Service Down) लागला.
सकाळच्या गर्दीत गोंधळ
विशेषतः सकाळी ८ ते १० या वेळेत मेट्रो स्थानकांवर प्रवाशांची मोठी गर्दी असते. याच वेळेत सेवा बंद असल्याने अनेकांना अडचणींचा सामना करावा लागला. अनेक प्रवाशांनी तिकीट काढण्यासाठी काउंटर किंवा मोबाइल अॅपचा पर्याय निवडला, मात्र त्यासाठी वेळ लागल्याने (Metro Service Down)उशीर झाला.
प्रवाशांची नाराजी
‘तिकीट काढायला गेलो तर सेवा बंद असल्याचा संदेश आला. दिवसभर सेवा बंद आहे असे वाटले आणि ऑफिसला उशीर होण्याची चिंता वाटली,’ अशी प्रतिक्रिया एका प्रवाशाने (Metro Service Down)दिली.
तर दुसऱ्या प्रवाशाने सांगितले, ‘व्हॉट्सअॅपवर एका क्लिकमध्ये तिकीट मिळत असल्याने सर्वजण ही सेवा वापरतात. ती अचानक बंद झाल्याने मोठा त्रास (Metro Service Down)झाला.’
सेवा पुन्हा सुरू
पावणेबारा वाजल्यानंतर ही सेवा पुन्हा सुरळीत सुरू करण्यात आली. मेट्रो प्रशासनाने सेवा पूर्णपणे कार्यरत झाल्याचे स्पष्ट केले (Metro Service Down)आहे.
आगाऊ सूचना देण्याचे आश्वासन
दररोज हजारो प्रवासी या व्हॉट्सअॅप तिकीट सेवेवर अवलंबून असल्याने अशा प्रकारची अचानक सेवा बंद होऊ नये यासाठी पुढील काळात देखभाल-दुरुस्तीपूर्वी आगाऊ सूचना दिली जाईल, असे प्रशासनाकडून सांगण्यात आले (Metro Service Down)आहे.
