पुणे – गेल्या काही दिवसांपासून पुणे आणि उपनगर परिसरात कमाल व किमान तापमानात वाढ होत असल्याने थंडी कमी जाणवत होती. मात्र हवामानात झालेल्या बदलानंतर पुढील दोन दिवसांत किमान तापमानात पुन्हा घट होण्याची शक्यता हवामान खात्याने व्यक्त केली आहे. त्यामुळे शहरात (Pune Cold Wave)थंडीचे पुनरागमन होण्याची चिन्हे दिसत आहेत.
शनिवारी (ता. २९) पुण्यातील तापमानात किंचित घसरण नोंदविण्यात आली. दिवसभरात किमान तापमान १४.४ अंश सेल्सिअस तर कमाल तापमान २९ अंश सेल्सिअस होते. मागील तीन दिवसांत किमान तापमानात तब्बल दोन अंशांची घट झाली आहे. हवामान खात्यानुसार ही घट पुढील दोन दिवस कायम(Pune Cold Wave) राहण्याची शक्यता आहे.
रविवारी (ता. ३०) किमान तापमान आणखी कमी होऊन ते सुमारे १३ अंश सेल्सिअसपर्यंत जाण्याचा अंदाज वर्तविण्यात आला आहे. कमाल तापमान २९ अंश सेल्सिअस राहील. आकाश मुख्यतः निरभ्र राहील, असेही नमूद करण्यात आले(Pune Cold Wave) आहे.
मात्र मंगळवारपासून (ता. २) तापमानात पुन्हा वाढ होण्याची शक्यता असून पुढील तीन दिवसांत कमाल तापमान ३० अंश सेल्सिअस आणि किमान तापमान १५ अंश सेल्सिअसपर्यंत जाऊ शकते. दिवसाच्या उत्तरार्धात आकाश अंशतः ढगाळ राहील, तर अन्यवेळी वातावरण निरभ्र राहील, असा अंदाज(Pune Cold Wave) हवामानशास्त्र विभागाने दिला आहे.
