प्रतिनिधी :पिंपरी-चिंचवड आणि परिसरातील नागरिकांसाठी महत्त्वाची सूचना आहे. महाराष्ट्र औद्योगिक विकास महामंडळाच्या (एमआयडीसी) पाणीपुरवठा विभागांतर्गत येणाऱ्या जलशुद्धीकरण केंद्रात तातडीची दुरुस्ती व देखभाल कामे हाती घेण्यात येत असल्याने गुरुवार, दि. ४ जून रोजी अनेक भागांतील पाणीपुरवठा पूर्णपणे बंद राहणार आहे. याबाबत एमआयडीसी प्रशासनाने नागरिकांना पूर्वसूचना देत आवश्यक तेवढा पाणीसाठा करून ठेवण्याचे आवाहन केले (MIDC Water Supply) आहे.
प्रशासनाच्या माहितीनुसार, जलशुद्धीकरण केंद्रातील तांत्रिक बिघाड दूर करण्यासाठी आणि भविष्यातील पाणीपुरवठा सुरळीत राहावा यासाठी ही दुरुस्ती करण्यात येत आहे. त्यामुळे संबंधित भागांतील नागरिकांना दिवसभर पाणीपुरवठा मिळणार नसल्याने नियोजन करून पाण्याचा वापर करण्याची गरज (MIDC Water Supply)आहे.
पुढील दोन दिवस कमी दाबाने पाणीपुरवठा
या दुरुस्ती कामांचा परिणाम केवळ एका दिवसापुरता मर्यादित राहणार नसून शुक्रवार (दि. ५ जून) आणि शनिवार (दि. ६ जून) रोजीदेखील काही भागांमध्ये कमी दाबाने व अपुरा पाणीपुरवठा होण्याची शक्यता वर्तविण्यात आली आहे. त्यामुळे नागरिकांनी पाण्याचा काटकसरीने वापर करावा आणि अनावश्यक अपव्यय टाळावा, असे आवाहन प्रशासनाने केले आहे.
या भागांमध्ये जाणवणार पाणीटंचाई
एमआयडीसीच्या पाणीपुरवठ्यावर अवलंबून असलेल्या खालील परिसरांमध्ये पाणीपुरवठा बंद अथवा विस्कळीत राहणार(MIDC Water Supply) आहे :
भोसरी
कासारवाडी
निगडी
देहूरोड
सीएमई (CME)
आर अँड डी दिघी (R&D Dighi)
व्हीएसएनएल (VSNL) परिसर
कॅन्टोन्मेंट बोर्ड हद्द
ओएफडीआर (OFDR) परिसर
नागरिकांना प्रशासनाचे आवाहन
पाणीपुरवठा बंद राहणार असल्याने नागरिकांनी घरगुती वापरासाठी आवश्यक पाणीसाठा करून ठेवावा, तसेच पिण्याचे पाणी, स्वच्छता आणि अन्य गरजांसाठी उपलब्ध पाण्याचे योग्य नियोजन करावे. सोसायट्या, व्यावसायिक आस्थापना आणि औद्योगिक युनिट्सनीही पाणी वापराबाबत दक्षता घेण्याचे आवाहन करण्यात आले(MIDC Water Supply) आहे.
दुरुस्तीची कामे पूर्ण झाल्यानंतर पाणीपुरवठा पूर्ववत करण्यात येणार असला तरी सुरुवातीच्या काही तासांत कमी दाबाने पाणी येण्याची शक्यता असल्याने नागरिकांनी प्रशासनाला सहकार्य करण्याचे आवाहन एमआयडीसीकडून करण्यात आले (MIDC Water Supply)आहे.