पिंपरी : पिंपरी-चिंचवड महापालिकेच्या २७ व्या महापौरपदी रवी लांडगे यांची निवड झाल्याने शहराच्या राजकारणात नव्या पर्वाची सुरुवात झाली आहे. महापालिकेवर पुन्हा एकदा भाजपचे वर्चस्व स्पष्ट झाले असून संघटनात्मक ताकद आणि स्थानिक नेतृत्वावर पक्षाने टाकलेला विश्वास या निवडीमधून अधोरेखित झाला (Ravi Landge Mayer ) आहे.
स्थानिक नेतृत्वातून महापौरपदापर्यंतचा प्रवास
भोसरी (पिंपरी-चिंचवड) येथील रहिवासी असलेले रवी लांडगे यांचा जन्म १५ ऑगस्ट १९८४ रोजी झाला. मराठी, हिंदी व इंग्रजी भाषांवर प्रभुत्व असलेले लांडगे हे शेती, उद्योग व बांधकाम क्षेत्राशी संबंधित असून, या क्षेत्रातील अनुभव त्यांनी राजकारणात प्रभावीपणे वापरला आहे. सामान्य नागरिकांच्या प्रश्नांशी थेट जोडलेले नेतृत्व म्हणून त्यांची ओळख निर्माण झाली आहे.त्यांनी डिप्लोमा इन फार्मसी केले(Ravi Landge Mayer ) आहे.
कौटुंबिक व सामाजिक पार्श्वभूमी
रवी लांडगे हे विवाहित असून त्यांच्या पत्नी सौ. श्रद्धा रवी लांडगे या माजी नगरसेविका राहिल्या आहेत. सामाजिक, राजकीय आणि सार्वजनिक जीवनाचा अनुभव असलेले कुटुंबीय पाठबळ त्यांच्या कारकिर्दीला बळ देणारे मानले जाते. हिंदू-मराठा समाजातील कार्यकर्त्यांमध्ये त्यांचा मजबूत जनाधार(Ravi Landge Mayer ) आहे.
भोसरी पट्ट्यातील प्रभाव आणि संघटनात्मक ताकद
भोसरी परिसरात मजबूत पकड असलेले लांडगे हे कार्यकर्त्यांशी थेट संवाद साधणारे, मैदानात सक्रिय राहणारे नेते म्हणून ओळखले जातात. आनंद दर्शन, सिद्धेश्वर मंदिराजवळील धावडे वस्ती येथून त्यांनी सातत्याने नागरिकांच्या प्रश्नांना वाचा फोडली. शेती, पायाभूत सुविधा, स्थानिक विकासकामे आणि नागरी सुविधा या मुद्द्यांवर त्यांनी सातत्याने प्रशासनावर दबाव ठेवला (Ravi Landge Mayer ) आहे.
महापौरपदाकडून अपेक्षा
महापौरपदाच्या माध्यमातून पिंपरी-चिंचवड शहराचा विकास, प्रशासनात शिस्त, नागरिकाभिमुख निर्णय आणि रखडलेल्या कामांना गती देणे ही प्रमुख आव्हाने त्यांच्यासमोर असणार आहेत. आगामी काळात सत्ताधारी भाजपच्या धोरणांना महापौरपदाची दिशा कशी मिळते, याकडे शहरवासीयांचे लक्ष लागले (Ravi Landge Mayer ) आहे.
राजकीय वर्तुळात सकारात्मक प्रतिक्रिया
रवी लांडगे यांच्या निवडीचे भाजप कार्यकर्त्यांकडून स्वागत करण्यात येत असून, “मैदानातील कार्यकर्ता महापौरपदी” अशी प्रतिक्रिया राजकीय वर्तुळातून व्यक्त होत आहे. या निवडीमुळे आगामी स्थानिक राजकारणात भोसरी पट्ट्याचे महत्त्व आणखी वाढल्याचे चित्र स्पष्ट होत (Ravi Landge Mayer ) आहे.
त्यांच्या विरोधात कोणीही नसल्याने त्यांच्या महापौर पदी विराजमान होण्याची केवळ औपचारिकताच बाकी होती, या प्रक्रियेला सुरुवात होताच पिठाशिन अधिकार दीपक तावरे यांनी त्यांच्या नावाची घोषणा करताच उपस्थित नगरसेवक, आमदार ते सर्व कार्यकर्ते यांनी एकच जल्लोष करत हा आनंद साजरा केला, बिनविरोध नगरसेवक ते बिनविरोध महापौर असा त्यांचा प्रवास निश्चितच कौतुकास्पद आणि प्रेरणादायी आहे हेच खरे. त्यांच्या माध्यमातून शहराचा सर्वांगीण विकास व्हावा याच अपेक्षा
