पिंपरी-चिंचवड, दि. ३० जून : शहरातील भर गर्दीच्या रस्त्यावर उभा असलेला एक उंच विद्युत/हायमास्ट खांब गेल्या आठ दिवसांपासून धोकादायकरित्या एका बाजूला झुकलेला असून, कोणत्याही क्षणी मोठी दुर्घटना घडण्याची भीती नागरिकांकडून व्यक्त केली जात आहे. पावसाळ्याच्या पार्श्वभूमीवर जोरदार वारे आणि मुसळधार पाऊस सुरू असताना अशा अवस्थेतील खांबामुळे वाहनचालक, पादचारी आणि परिसरातील व्यावसायिकांच्या जीविताला गंभीर धोका निर्माण झाला (Leaning Electric Pole) आहे.
सकाळपासून रात्रीपर्यंत या मार्गावर मोठ्या प्रमाणात वाहतूक सुरू असते. अशा गजबजलेल्या चौकात झुकलेल्या खांबाकडे संबंधित यंत्रणांचे दुर्लक्ष होत असल्याची भावना नागरिकांमध्ये व्यक्त होत आहे. एखादी दुर्घटना घडल्यानंतरच प्रशासन जागे होणार का, असा संतप्त सवालही नागरिक उपस्थित करत(Leaning Electric Pole) आहेत.
नागरिकांचे म्हणणे आहे की, अशा धोकादायक परिस्थितीत तत्काळ तांत्रिक पाहणी करून खांब सुरक्षित करणे किंवा आवश्यक असल्यास तो बदलणे गरजेचे आहे. प्रशासनाने कोणतीही अनुचित घटना घडण्यापूर्वीच तातडीने उपाययोजना कराव्यात, अशी मागणी जोर धरत (Leaning Electric Pole)आहे.
सार्वजनिक सुरक्षेच्या दृष्टीने अशा धोकादायक बाबींकडे गांभीर्याने पाहणे ही प्रशासनाची जबाबदारी आहे. पावसाळ्यात अशा झुकलेल्या खांबांमुळे मोठ्या दुर्घटना घडण्याची शक्यता नाकारता येत नाही. त्यामुळे संबंधित विभागाने त्वरित कारवाई करून नागरिकांच्या सुरक्षिततेची हमी द्यावी, अशी अपेक्षा व्यक्त होत (Leaning Electric Pole)आहे.
ही बाब www.majhapimprichinchwad.in चे वाचक आणि दक्ष नागरिक लक्ष्मण भणगे यांनी निदर्शनास आणून दिली असून, सामाजिक उत्तरदायित्वाच्या भावनेतून त्यांनी प्रशासनाचे लक्ष वेधले(Leaning Electric Pole) आहे.
