(पिंपरी-चिंचवड, 10 जुलै | प्रतिनिधी:)आकुर्डी येथील सुखवानी हेरिटेज इमारतीसमोर आज सकाळी धक्कादायक घटना उघडकीस आली. मुख्य रस्त्यालगत उभ्या असलेल्या एका रिक्षामध्ये एका अज्ञात तरुणाचा मृतदेह आढळून आला. त्याचवेळी समोरील मोकळ्या जागेत आणखी एक अज्ञात तरुण बेशुद्ध अवस्थेत आढळल्याने परिसरात एकच खळबळ (Akurdi Dead Body)उडाली.
घटनेची माहिती मिळताच निगडी पोलिसांनी तातडीने घटनास्थळी धाव घेतली. बेशुद्ध अवस्थेत आढळलेल्या तरुणाला उपचारासाठी रुग्णालयात दाखल करण्यात आले असून त्याची प्रकृती व ओळख याबाबत अधिकृत माहिती अद्याप समोर आलेली (Akurdi Dead Body)नाही.
पोलिसांनी घटनास्थळाचा पंचनामा करून पुरावे संकलित करण्यास सुरुवात केली आहे. तसेच संबंधित रिक्षाच्या नोंदणी क्रमांकाच्या आधारे मृत तरुणाची ओळख पटविण्याचा आणि घटनेचा उलगडा करण्याचा प्रयत्न सुरू आहे. परिसरातील सीसीटीव्ही फुटेजही तपासले जात असून प्रत्यक्षदर्शींची माहिती घेतली जात (Akurdi Dead Body)आहे.
ही घटना नेमकी खून, आत्महत्या, विषबाधा किंवा इतर कोणत्या कारणामुळे घडली, याबाबत अद्याप कोणतीही अधिकृत माहिती देण्यात आलेली नाही. सर्व शक्यता गृहीत धरून निगडी पोलीस सखोल तपास करत (Akurdi Dead Body)आहेत.
या घटनेमुळे आकुर्डी परिसरात मोठी खळबळ उडाली असून नागरिकांनी घटनास्थळी गर्दी केली होती. पोलिसांनी नागरिकांना अफवांवर विश्वास न ठेवता अधिकृत माहितीची प्रतीक्षा करण्याचे आवाहन केले (Akurdi Dead Body)आहे.
